Shillong, Rymphang 18: Ki kad khaii ha kane ka jylla Meghalaya, khamtam eh kiba don ha ki ar tylli ki District, ka East bad South West Khasi Hills District kila shah ieh bein ha ka sorkar ha kaba ka jingsniew jong ki surok ki long la palat ha kaba ki nongkhaii ki hap ban pynlut kaba bun ha ka jingmaramot ia ki kali.
Ban kyntiew ia ka khaii pateng sha bar Ri ka sorkar Meghalaya ka la thaw ia ka tand sorkar ia kaba la tip kum ka Department of Trade, Commerce and industries da ka jingthmu ban peit kham bniah ia ki kad khaii kiba leit sha Bangladesh hynrei kumba ka long mynta ka jingsiew kine ki surok da ki phew phew snem ka long na ka daw ba sorkar Meghalaya kam shym leh ei ei ban pynbha ia ki.
Kumba ka long mynta ka surok na ka kad khaii ha Borosra ka long kaba la sniew palat wat la ka sorkar pdeng ka ioh da ki phew phew klur ka pisa nongwei na kane ka kad khaii bad kum juh na ka kad khaii kaba don ha Bholangh kaba dei kawei na ki jaka khaii mawshun sha Bangladesh.
Haba u SP News Agency u la poi sha Bholagangh ia kaba la tip kum ka Majai laiohi ba ka jingsniew jong kane ka surok ka long kaba la palat ha kaba ki nongniah kali kila ong ba na ka daw jong ka jingsiew palat kane ka surok ki hap ban iaid ar sngi ban poi sha Bangladesh ha ka surok kaba jngai tang hapdeng 8 bad 7 kilo metter.
Ka daw jong kane ka jingsah kut ar sngi lynter ha kane ka surok ka long ba ki kali kiba iaid ha kane ka surok kila don palat hajar tylli namar ka jingsniew ki hap ban iaid suki bad sah miet ha surok.(SP News)
