Shillong, Nailar 03: Ka jingdih ia u Kophi ka long ha satlak jong ka pyrthei ha k
aba baroh ki jaidbynriew ki pyndon kam ia u kum ka jingdih, wat ha kane ka jylla Meghalaya ruh kum juh la kalong ha ki dukan ne ha ki iing ki sem ki jong ki.
Hynrei kumba ka longmynta wat la ka jylla Meghalaya ka don ia lad bal ah ban thung ia u Kophi ha kane ka jylla, ka sorkar pat kam shym la pynshlur ia ki paidbah ha ka rukom kaba dei ban shim ia kane ka kam rep kophi kum ka lad ban im ja ka na ka.
Kumba ka long mynta nalor ki jaka jong ka sorkar ki briew kiba trei ia kane ka kam rep kophi ka long tang khyndait eh ki shnong ha ki thain Pynursla bad ki thain Lawbah.
Kaktum ki khubr kiba ia jan bad ka tnad ba dei peit ia kane ka kam rep kophis Soil and Water Conservation bad Horticulture Department ki iathuh ba ka sorkar ka la leh kum ba klet ia kane ka rep ha kane ka jylla Meghalaya namar kam shym la mang pisa ia ka ha ka rrukom kaba dei ha kaba kitei kit and sorkar ki lah ban iarap ia ki nongrep.
Ka jingim jong kane ka kam rep kophi mynta ka sah ha ka Coffee Board jong ka sorkar pdeng kaba dang iai pynshlur ia ki briew ban trei ia kane ka kam hynrei na ka daw jong ka jingduna briew kam shym lah ban leh bun ki kam ha kaban pynsngewthuh ia ki paidbah ba ki nongrep kin im.(SP News)
