Shillong, Jymmang 14: Mynta ka sngi saw ngut ki dkhot jong ka KSU kiba la shah kynnoh ba ki don kti ha kaba thang ia ka kali jong ka tnad khlaw jong ka sorkar jylla Meghalaya ha Forest Colony ki la leit ban aiti ia lade sha ki pulit jong ka jylla.
Kine ki saw ngut kiba kyntheup ia u Beneslaus Khyriem (21), Biangbor Lyngdoh Paliar (29), er Rapborlang Nongrum (27) Kitboklang Khongwar (20). Ia kine baroh saw ngut la ialam da ki dkhot jong ka Executive Members jong ka KSU ha khmat jong u SP. Ka kali kaba la shah thang ka dei ka Bolero- ML 01 6113.
Naka liang jong ki pulit ki la dep ban ong ba ki la tip ia kine ki saw ngut ki ba don kti ha kane ka jingthang kali, hynrei ki kyndon kiba la pynngat ia ki ka long ba lah ban jamin, na ka liang jong ki pulit la pynlait noh ia ki ha dien ba la dep ban bah jamin.(SP News)
