Shillong Naiwieng 04: Ka Kynhun ba 63 Ngut jong ki Samla na ka Jylla Meghalaya kin mih la shai ka sngi ban leit iashimbynta ha ka 3rd North East Youth Festival 2012 ka ban long ha ka Nongbah Itanagar, Arunachal Pradesh ka ban lai sngi lynter kaban sdang ha ka 7 tarikbad kut ha ka 9 tarik mynta u bnai.
Kane kynhun jong ki Samla na ka Jylla ki ban leit ishim bynta ha katei ka 3rd North East Youth Festival 2012 la pynbit pynbiang da ka Office jong u Zonal Director NYKS, Meghalaya Zone ban lum ban lang ia ki Samla kiba don ia ki Sap ki bapher bapher bad ba kin leit iashimbynta ruh ban iashim bynta tang ha ki jingiakop.
Kine ki kynthup ia ka Folk Song da ka kynhun jong ki Samla na East Garo Hills District (Williamnagar), Folk Dance & One Act Play na Jaintia Hills District (Jowai), Food Festival & Handicraft Exhibition da ka Kynhun na East Khasi Hills District, Young Artist Camp (Painter) na East Khasi Hills District, Young Artist Camp ( Sculptor & Photographer ) na Ri-Bhoi District.
Ha katei ka 3rd North East Youth Festival 2012 Kan don ruh ka Rock Band Competition bad na ka Jylla Meghalaya yn mih Khmat da ka Kynhun ‘STILL STATUS’. Ia kane ka Kynhun na na Jylla kaban leit iashimbynta ha katei ka 3rd North East Youth Festival 2012 la bei Tyngka da ka Sorkar Jylla lyngba ka tnad ialehkai jong ka sorkar jylla, la ong u Bah Kitboklang Nongphlang haka kyrwoh.(SP News)
