Shillong, Rymphang 10: Ia shim bynta ka u Bah John F Kharshiing, Vice-President, bad Bah Bor Diengdoh, Treasurer, Meghalaya State Olympic Association (MSOA) ha ka jingialang kaba kyrpang kaba kynthup ia ka jingjied thymmai ia ki nongkitkam jong ka Indian Olympic Association (IOA), ha ka 9 tarik February, 2014, hapoh New Delhi, ha ka jingiadonlang ryngkat ki nongmihkhmat jong ka International Olympic Committee(IOC), bad u heh officer na ka Ministry of Sports, Government of India.
Ka IOA ka dang don ha ka jingshah suspon ha ka IOC bad haduh kine ki sngi ki nongialehkai na Ri India ki ia shimbynta ha ka kyrteng jong ka IOC bad kim lah ban kaweh ia ka Lama Ri India namar ba ka dang don hapoh ka jingshah suspon.
Kane ka Election mynta ka sngi ruh ka dang don ha ka jingbishar jong ka IOC bad la khmih lynti ba namar ba ka IOA ka la mynjur ban amend ia ka MOA (Memorandum of Association) khamtam ha kaba iadei ban ka rta (age limit), ka por treikam ( tenure limit) bad ka jingkhang ia kiba la shah tian bishar ha ki iing bishar (bar to charge sheeted individuals to contest), bad ban ia shim bynta ha ki State Olympic bad ki IOA.
Ki nongialehkai ki khmih lynti ba kane ka jingpdiang jong ki dkhot jong ka IOA ia ki kyndon kiba la buh bad kdew haneng mynta ka sngi kan lah ban weng ia ka jingshah suspon na ka IOC.
Ha ka juh ka por ki dang don ki mokotduma (court case) kiba la ai da ki katto katne tylli ki nongialeh kai sport ban wanrah ia ka jingsynshar kaba shai hapoh ka IOA bad kane ka case un bishar da ka special Olympic Court ha ka 21 tarik February 2014.(SP News)
