Shillong, Jymmang 09: U myntri rangbah jong ka jylla Mizoram Lal Thanhawla u la leit jngoh ia ka jaka pynrung kam shipai ha kanongbah Aizwal mynta ka sngi ban ai mynsiem iaki samla kane ka jylla ba ki dei ban rung ha kane ka kam shipai ban iada ia ka ri.
Na ka liang jong u myntri rangbah ka tei ka jylla u da pynshlur ia ki samla ba kin rung ha kine ki kam shipai bad na ka jingpoi jong ki samla ban ia shim bynta ha kane ka jingpynrung kam shipai u myntri rangbah ka Mizoram u la pynpaw ba kane ka dei ka dak ba ki samla kane ka thian ki la sngewthuh ia ka jingkor dor ban don ha ka kam shipai.
Naka liang jong u myntri rangbah ka jylla Mizoram u la ong ba na ka liang jong ka sorkar jylla ka long kaba la kloi ban ia ka jingkyrshan ia ki bor shipai ha kano kano ka liang na ka bynta ban pynshlur ia ki samla kane ka thain ba kin ioh rung ha ki kam shipai.
Baroh ki samla na ka jylla Mizoram kiba la poi sha kane ka jingwan ban tyrwa ia lade ban ioh rung ha ka kam shipai ka la kot sha ka 6000 ngut ha kine ki lai sngi. Brig RV Singh Deputy Director Recruiting, u ba dei peit ia kane ka jingpynrung kam shipai na NE u la batai ia u myntri rangbah ka jylla Mizoram ia ki rukom baroh kaba ki leh.(SP News)
