Shillong, Jylliew 25: U president ba rim jong ka Ri India u Dr APJ Abdul Kalam mynta ka sngi u la leit jngoh ia ka Don Bosco Centre for Indigenous Cultures (DBCIC) kaba don ha Mawlai bad kane ka jingleit kynsan ka jong u ka la pynkyndit ia ki ba peit ia kane ka jaka.
U wei na ki nongleit jngohkai u ba don ha katei ka por u la ioh ban ia khublei ia u president ba rim jong ka Ri India bad kane ka pynkynmaw ia u ba dei ban don ia ka thong bad ban trei na ka bynta kata ka thong.
Na ka liang jong u president ba rim jong ka Ri India u la ai ka jingiaroh ia ki nongpyniaid ia kae ka jaka pynsah nam na ka bynta ka dong shatei lam mih ngi baroh kawei, ia kane u Dr Kalam u la ong ha u Director Rev Fr, Joseph Puthenpurackal, SDB.
Ha kane ka por na ka liang jong u Dr Kalam u la don shipor ha kane ka jaka bad u la ioh ban ia kren bad ki khynnah skul kiba leit ban jngoh ia kane ka jaka. Ha ka kot jong ki nongwan jngohkai u Dr Kalam u la thoh ia ka jingthoh kaba u la ong ba u iap biej shisha ia kane ka jaka buh nam.(SP News)
