Jowai, Nailur 08: Mynta ka sngi ha pdeng ka por 2 baje mynmiet ki nonglute kila leit ban khlong ia ka jingtep jong u Bah Qually Suiam bam kwai ha dwar u blei ha ka shnong Mootyrshiah uba dei u Chief Executive Member barim jong ka Jiantia Hills Autonomous District Council da ka jingthmu ban lute.
Katkum ki thymmei khubor kiba la ioh da u SP News Agency la ong ba ha kane ka jingkhlong ia kane ka lum jingtep kaba la tep ia u tei u riew pawkhmat ki nonglute ki la ioh ban sei ia kawei ka pla beg bad ki la sdang ban khyndang ia ka synduk hynrei la lap noh ka jingshai ka mariang.
Na ka liang jong kiba ha iing ha ryngkat ki pulit la pynbeit biang ia ka jingtep kumba ka dei ban long. Ki thymmei khubor ki iathuh ba ki riew sinew kim shym la ioh lad ban ioh ban pynjulor ia ka jingtep ha kaba ki thmu.
Ki thymmei khubor ki iathuh ba kum kine ki jingkhlong ia ki Lum jingtep da ki riew runar kajuh jia ha Jaintia Hills ha kip or mynshuwa bad kum kine ki jingjia mynta kim juh jia koit, hynrei kane ka jingshah khlong katei ka lum jingtep ka la pynkyndit iaki paidbah ka shnong Mootyrshiah baroh kawei.(SP News)
