Shillong, Risaw 14: Ka programme kitbok kitwriang na ka bynta ki khynnah Vilco Secondary School, Pynthorbah ki ban leit shim bynta ha ka 31st Nehru Sub-Junior Hockey Tournament (Boys) ka ban long ha New Delhi, naduh ka 18 haduh 30 mynta u bnai .
Ka dei ka sien ba ar ba leit shim bynta ha ka kane ka jingialehkai, mynshem snem ka leit ka St. Anthony Higher Secondary School ka jop shi sien bad rem shi sien. Ha kane ka programme la ia don lang ka President, MSHA, Director Sports & Youth Affairs, Deputy Director, SAI, Shillong, Principal jong ka school Vilco bad ki dkhot ka Association jong ka MSHA.
U Bah Francis, Deputy Director, SAI, Shillong ha ka ba u la sneng la khraw bad u ong ba ka practice ka dei ban long man la ka sngi um dei tang ha ka por ba don ki jingialehkai ne tang ka por leit ia shim bynta sha ki jingialehkai sha bar ka jylla.
Ha ka jingkren u bah F.M. Dopth, Director, Sports & Youth Affairs, ka sorkar Meghalaya u la ong ba ka sports department ka ai ka bhah na ka sorkar jylla khlem da niew shiliang ia kano kano ka discipline, ka hockey ha meghalaya ka dang dei ka jing ia lehkai ka ba dang shu sdang ban ia nu jor bad kiwei ki jylla ha ka ri India bad u ong ki player dei ban don lai tylli ki discipline ka ba nyngkong ka dei ka jing kohnguh, ka jinglong adkar ha lade lade shi met bad ka ba lai jingai mymnsiem ban ia kyntiew lang i wei ia iwei kum shi ing shi sem.
Ha kano kano ka kam bad khlem da klet ia u trai nongbuh nongthaw ha kano kano ka por la ngi long hakano kano ka jing ngeit.I la ai khublei ruh ia ki members jong ka Meghalaya State Hockey Association ki ba la lah ban pynkhie im biang ia ka Hockey ha kane ka jylla.
U Dr. M.A. Lyngdoh, President Meghalaya State Hockey Association ba long ruh ka Minister, Urban Affairs jong ka jylla meghalaya ka la pynpaw ia ka jingsngewnguh ia u Director, Sport & Youth Affairs ba la ia rap ia ka Association ha ba roh ki liang bad u lah sneng lah khraw ia ki khynnah bad u la ong ruh ba ki dei ban sngew sa rong ia lade ha kaba ki lah lah ban mih na ka state hockey team ban leit mihkhmat ia ka jylla.ka ai khublei ruh ia ki nongkit kam ka MSHA ba lah lah ban pynlong ia ka inter school ha madan malki ban jied ia ki khynnah. Ki khynnah kiba la shah jied ban leit ia shim bynta ha katei ka jingialehkai ki long 16 ngut.(SP News)
