Shillong, Naitung 25: Ka seng KSU mynta ka sngi ka la leit bankhang ia ki jaka baroh hakane ka nongbah Shillong ban pynrung kyrteng ia ki nongshong shnong lyngba ka Aadhar. Kane ka dei ka jingkwah jong ka sorkar pdeng ha kaba ka sorkar Meghalaya ruh ka la pyntrei kam.
Halor kane u president jong ka KSU u Bah Daniel Khyriem u la ong ba ka jingleit jong ki ban khang ia ki saw tylli ki jaka kiba la buh ha kane ka nongbah Shillong ban pynrung kyrteng ha ka Aadhaar ka long ba ka sorkar ka dei ban pynshai shuwa ia kane.
La ong ba ka seng ka la dep ban ia kren bad ka sorkar ia kane ka phang bad ka la dep ai ka jingkular ba kin buh teng shuwa namar kane ka biometric enrollment dei ban peit ba ki mynder ri kim dei ban ioh rung kyrteng.
Ka sorkar ka dei ban don shuwa ia ka ain ban khanglad ia ka jingwanrung kyrthep ki mynder ri bad sa pyntrei kam ia kane kumba ka long mynta ka ain kam don ban khang ia ki hynrei ka sorkar ka leh ia kane.
Kane jingpyntrei kam ia kane ka Aadhaar kan iarap ia ki bar jylla ban pynskhem ia ka jingkam jng ki ba ki dei ki nongshong shnong jong kane ka jylla Meghalaya, ki jaka kiba la khang mynta ka sngi ki long ha Pine Mount, St Edmund, Oaklanf bad ha State Central Liberary.
Ha kane ka sngi la ioh ba ki pulit jong ka jylla ruh ki la pyrkhing ia ka jingpahara ka jong ki ha kylleng kiba bynta jong ka nongbah Shillong da kaba buh ia ki kali kynsahit um bad pyniaid ia ka kali sait lyer pynsat khmat.(SP News)
