Shillong, Naitung 21: U Bah Bisco Khongngain u la eit ban ai ia ka jingujor sha ki pulit jong ka Sohra Police Station ha ka 19 tarik mynta u bnai pyrshah ia u wei u briew u ba la tip kyrteng kum u Deny Jyrwa.
Ha kane ka jingujor u la ong ba u tei u briew u la leit ban rung jubor ha iing kmei jong u bad u la tan ia ka sha iing jongu bad u sa leh ia ka kam beijot.Kane ka jingjia ka la jia ha ka shnong War War kaba don ha rum sohra.
Ha kane ka jingujor na ka liang jong u Bah Khongngian u la ong ba u tei u trei u ba la leh ia katai ka kam runar u la byrngem byrsit ia ka kmie jong u ba lada ka ujor ia kane ka jingleh ka jong u yn sa pynsaja ia ka ha ka rukom kaba dei.
Ha kawei pat ka jingjia na ka liang jong ki pulit ka nongbah Shillong ki la ong ba ki la ioh ia ka jingujor ba ha ka 19 tarik mynta u bnai u wei u briew u ba la tip kyrteng kum u Litjanai Sun u la rah bor ia kawei ka khythei kaba la 24 snem na Demseiniong ha ka kali Hyundai i-10 kaba don ia u number ML05K 5593.(SP News)
