Shillong, Nailar 19: Ki samla jong ka Ri Bhoi District kiba la pass ia ka examin wad kam lyngba jong ka District Selection Committee (DSC) jong ka Ri Bhoi District mynta ka sngi ki la leit dur sha ka ophis jong u DC da kaba iaid paidbah.
Kine ki samla kiba la pass ia katei ka examin ha u snem 2010 kiba khlem pat ioh kam haduh mynta ki la sdang na phyllaw jong ka Ri Bhoi College. Kane ka jingiaid paidbah ka long ban pynpaw ia ka jingsngew pyrshah ka jong ki ba ka sorkar kam pat thung kam ia ki haduh kine ki sngi.
Ha dien ba ki samla ki lapoi ha ophis jong u Deputy Commisisoner jong ka Ri Bhoi District u bah PS Kharkongor Additional Deputy Commissioner (ADC) u la khot ia ki ban ia kren ha kane ka jingiakren la pan por na kine ki samla 7 sngi ban peit ia ka jingeh ka jong ki.(SP News)
