Shillong, Jylliew 21: ka kong Rosana Lyngdoh kawei na ki nongtrei jong ka kynhun Impulse Network ka la pyntip sha ki pulit ba kawei ka long samla khasi ka la leit ban wad kam sha Kolkatta hynrei ynda poi sha kolkatta ka la shah die pynban sha ka jylla Goa.
Ka kong Lyngdoh ka la pyntip sha ki pulit jong ka jylla Meghalaya ba kane ka samla khasi kala mih na kane ka jylla Meghalaya banleit sha Kolkatta ha ka 26 tarik u Rumphang mynta u snem. Ia kane ka jingjia la tip ha dien ba ki pulit jong ka jylla Goa ki la ioh ban pynlait ia ka na kawei ka ktem dakaid. Da ka jingleh shitom jong ki pulit katei ka jylla kane ka samla mynta ka la wan phai sha la iing.
Ha kawei pat ka jingjia ka Anita Kharshiing ka la ai ia ka jingujor sha ki pulit ba u wei u briew u ba la tip kyrteng kum u Edison Nongrum u la leh baijot ia ka para jong ka ha u snem 2012 hynrei na ka daw jong ka jingbyrngem ym shym la nud ban pyntip sha ki pulit la pyntip naduh katei ka por bad ki sa pyntip pat mynta sha ki pulit.
Kawei pat ka jingjia ka Nenak M Sangma ka la ai ka jingujor sha ki pulitj ong ka Phubari ba u Naddu Sheik u la rah bor ia ka khun jong ka ha ka 19 tarik mynta u bnai na ka shnong Sakamronggre. Na ka liang jong ki pulit ki dang tohkit ia kane.(SP News)
