Jowai, Risaw 28: Ka Jaintia Youth Federation JYF Central Body ka dap da ka jingling ngoh kaba khraw ha kaba ia dei bad ka jingshah weng kam uwei unonghikai samla Markatjuh Dkhar jong ka skul Chitang Memorial LP School, (US Teacher) Khliehtyrchi khlem kano kano ka sakhi sabut ka ba biang katkum ba la lap lyngba ka RTI ba la pan da ka Acting President JYF-WW, kong Arlin Dkhar.
Ka seng hadien ba ka la ioh ia ka jingujor jong u Markatjuh Dkhar (Nonghikai) ka la pan da ka RTI ban ioh jingtip kaba tikna halor ka
jingshah kynnoh bad pharep ia u ba u kyrsum politic bad ia shoh ia dat bad u Sanbok Rymbai ha ka ne ka election kaba lah dep tad haduh ba u la shah weng syndon na ka kam nonghikai.
Katkum ka RTI ba la ioh jubab na ka ophis jong ka Education Dept jong ka JHADC la kynnoh da u MDC ba u tei u Markatjuh Dkhar (Nonghikai) u ia kyrsum politic khlem kino kino ki jingpynshisha ban sakhi ba u leh kumta, haba ha ka RTI ba la pan da ka kong Arlin Dkhar ka ong ba dei na ka tnad EDD-JHADC ka dei ban ai ia ki Video Recorded, kiba lah ban sakhi lang ia ki jingpharep bad jingkynnoh khnang ba kan long ka jingshai ia u ba bun balang uba la lyngngoh ia ka ne ka jingleh
niewbein ka EDDJHADC ia ki nongtrei la jong khlem da lah ban pynshisha ia ka jingkynnoh.
Ka jingiuhroit ia ka hok long briew man briew ban shu shim kabu da kaba pharep kulmar khlem nongrim, na ka liang ka seng ngi pynrem jur
ia ka ne ka rukom treikam ka Education Dept JHADC ba ka long mawjynthut ia kiwei pat hadien habud.
Ba dei halor ka kynnoh khlem nongrim kaba pynkyndit shuh ia ka ing ha sem jong u Markatjuh Dkhar ba ha ka 21st-06-2013 ba u ioh pdiang ia
kawei ka shithi ba wan na ka ophis jong ka JHADC ba ia u la suspend noh na ka kam nonghikai skul katkum ka jingkynnoh ba u dei u
nongpyniap briew, nongrahbor, nongiaknieh jaka bad u dei u briew ba kyrsum politic da kaba leit canvas election mynshem snem kumba la
kynnoh.
Kumta na ka liang jong ka Seng ka ong ba lada ka EDJHADC kam lah ban weng ia kane ka jingkynnoh ka seng ruh kam banse ban iaid shakhmat da
ki lynti kiba kham tyng eh na ka bynta ban ioh ia ka jingbishar hok na ka bynta u kup shilliang u sem shilliang pynkut u kyrwoh na ka Seng.(SP News)
