Shillong, Nohprah 12: Ha ka jingiaid lynti ban pynsngew sha ka Sorkar India, bad kum shibynta ban buddien ia ki kam jong ka Dorbar, la lyngoh ngian ka Smt Preneet Kaur, Union Minister ba dei peit ia ki kam bar ri ba dang don bad dang neh ka Federation of Khasi States.
ki Syiem, Lyngdoh, Sirdar, Wahadadar, Dolloi, Nokma, ‘wat la ngi la soi ia ka Instrument of Accession ia kaba la khot ruh ka Standstill Arrangment kaba kynthup ia ki kyndon hynrei ngim shym soi ia ka Instrument of Merger’ bad ia kane ka phang mynta ka National Commission for Schedule Tribes (NCST) lyngba ka hukum 26 April 2012,
Ka kommisgon ka la bthah ia ka tnad Tribal Affairs ban pynbeit ia kitei ki jingiateh bad ki jingkular, la pyntip u Bah John F Kharshiing, Co-Chairman, MIDC, Sorkar Meghalaya, Chairman, Ka Dorbar Ki Khlieh Nonsynshar, & Spokesperson, Federation of Khasi States, haba u la ia kynduh ia katei ka Myntri Sorkar India, ha ka 16 tarik November 2012
Kane ka jingiakren ka la mih ha ka jingiakynduh jong u Bah John F Kharshiing, Co-Chairman, MIDC, Chairman, Ka Dorbar Ki Khlieh Nonsynshar, & Spokesperson, Federation of Khasi States, bad ka Smt. Preneet Kaur, Myntri Khynnah, ka tnad External Affairs, Sorkar India ha ba la ai sngewbha ia ka kot kaba la pynmih kyrpang da ka Dorbar Hima Khyrim, Smit, kum ka kot sah jingkynmaw (souvenir ) ka ba batai lyngkot shaphang ka ‘Pomblang bad Shad Hima Khyrim’ 16 tarik November 2012, ha iing sah jong ka Myntri ha New Delhi. Ka Myntri ka la kular ban thaw lad ban wan iuh kjat bad jngoh ia ka Jylla Meghalaya.
Ban ia kren bad ki ba bun ki kam kiba sdang mih na kane, bad khamtam ha kaba iadei bad ka jingiakynduh bad u Dr Mukul Sangma, Chief Minister, Meghalaya, ha ka 28 tarik November 2012, ha kaba la ioh ksai ba kan don hashen ka jingpynkylla ia ka Sixth Schedule, namar ka jingiakren bad ki kynhun ANVC, kumta, Ka Dorbar Ki Khlieh Nongsynshar kan ia kynduh ha ka 14 tarik December por 11baje mynstep ha Demthring, Shillong, ban ia thir ia tai halor ki tei ki kam haneng bad khamtam ia ka jingkyntu kiba bun ban lum kyrkieh ia ka Emergent Dorbar Ri ban ia shai halor ki kyndon treikam jong ka Sixth Schedule.(SP News)
