SHILLONG, AUG 2: Ngi naka liang jong ka seng Hynniewtrep Achick National Movement (HANM) North West Khasi Hills haka jingialam u President I Bah Bobby Basaiaw
moit, Genl. Secy I Bah H. Wahlang bad katto katne ngut ki member ka seng kala leit ban jurip ia ka Mairang CHC namar kala ioh ia ki jing ujor na bun ki paidbah halor ki jingduna babun.
Ka seng kala lap bun ki jing duna hakatei ka CHC kum ka jaka theh niud kat haduh kine ki sngi kam shym pat don kaba paka hynrei la shu tih daka thliew ka ba pyni syaid met ia ka koit ka khiah bad iaka imlang sahlang bad kumjuh ruh ka long kaba ima bad mynsaw iaki khyllung khynnah.
Ka seng kala lap ruh ba ki jaka bret iaki jakhlia kiba mih na ka jaka postmortem bad jaka pynkha khyllung ki la shu prêt ha ka thliew kaba la tap ba ka lyngtang bad ka khyndew hynrei ka la don sa ka thyliew ka ba la lait rynghang kaba la pynsma ia ka jaka baroh kawei. Ka Seng kala lap ruh ia ki paikhana ki bym biang bad ki ba jakhlia bha.
Ha kawei pat ka bynta ka Seng HANM North West Khasi Hills kala lap ruh ia jka jing bym biang ki Doktor bniat (Dentist) wat la haka CHC la don haduh 2 ngut ki doctor bniat (dentist) kiba dei ban peit nongpang manla ka sngi hynrei bunsien kim ju don haba ki nongpang ki leit ban phah sumar bniat bunsien kim ju ia kynduh ia ki doctor bad phai nuh sha la iing khlem kano kano ka jingsumar kane kala pynbitar bha ia ka Seng bad ka Seng ka la leit ban ia kynduh ia I Superintendent jong ka CHC Mairang bad ia kren ha kane ka bynta bad naka liang jong I Superintendent I la Kular ban peit kham bniah ha ka ba iadei ba ki Doktor lane ki nongtrei Jong ka CHC, ha kajuh ka por ka Seng ka maham tyngeh ia baroh ki ba ju leit shim tang ia ka tulop jong ki khlem da trei ia ka kam bala bynshet pat ha ki, lada ka Seng ka nang ioh ia ka jing ujur na ka paidbah haka ba iadei ba kum kine ki jing bym biang jong ki Doktor ka Seng kan hap ban shim da kiwei ki lad ki lyntti.
Ha kane hi ka Sngi hadien ba ka Seng HANM kala iakren bad I Superintendent kala ioh jing tip ia ki ba bun ki jing duna jong kane ka CHC Mairang kum ka Ambulance ka don tang ka wei ka ba bha kaba leh se bun sien ka hap ban leit jing leit naka bynta ka jing don kam jong ka CHC bad bun sien ha kapor ba ka Ambulance ka dang leit don kam ki ju don ki case ba hap ban Donkam kyrkeh ia ki Ambulance naka bynta ki nongpang hynrei , ha ka jing don tang ka wei ka Ambulance ka pyndkoh noh ia ki kam jong ka CHC. Te kumta ka Seng ka kyrpad jur ia ka bor Sorkar ki ba dei khmih ia ka koit ka khiah ba kin peit kham bniah ha ka ba iadei bad kane ka CHC Mairang.(SP News)
