Shillong, Risaw 30: U Bah Antonio War Executive member ba dei peit ia ka tand khaii pateng hapoh jong ka KHADC u la pyntip mynta ka sngi hapoh ka iing dorbar haba jubab ia ka resolution kaba la wanrah da u Bah Lambor Malngiang la ong ba ka pynduh noh 900 tylli ki trading license.
La iathuh ba baroh ki trading license kiba ka KHADC ka la dep ban ai haduh mynta ki long 5770 tylli. La iathuh ba na ka liang jong ka KHADC ka la pynpyrkhing ha kaba pynthymmai lane ia kiba pan thymmai ba ki dei ban wanrah lang ia ka jingthoh na ki pulit ban pynshisha ba ki dei ki briew kiba thikna.
Haba ia dei pat bad ka iewduh la ong ba na ka liang jong ka KHADC ka la dep thoh sha u Syiem jong ka hima mylliem bay m dei shuh ban ai ia ka no objection certificate ha kaba ia dei bad ka jingpan ia ki trading license.(SP News)
