Shillong, Naiwieng 27: Ban pynbha ia ka jingai jinghikai na ka bynta ki khynnah ha kane ka jylla bad ban pynduna ia ka jingpep skul jong ki ka sorkar ka la shim ia ka rai ban pyntrei kam noh ia ka Compulsory Education Act 2009. Hakaba baroh ki khynnah kin ioh banleit skul ei.
Naka liang jong ka sorkar ka la shim ia ka rai ba man ka shikilo metter ka dei ban don ka skul lower primary bad kane ka skul kam dei ban jngai na ka Upper Primary. Ka skul upper primary ka dei ban don ia ki khynnah pule hapdeng 200 bad 600 ngut.
Katkum ki kyndon jong ka RTE ka long ba ia ka jingpynpass ia ki khynnah ban kiew na kawei ka kyrdan pule sha kawei pat kan long katkum ka jingwantista ka jong ki ym na ka examin ka jong ki. Kane ka long kaba don kam shisha ban leh.
Ka sorkar ka la shim ia ka rai ba ki skul LP kim dei ban jngai palat ia ka 1 km na kawei ka skul jong ka UP bad ka jingjngai kawei ka UP Skul na kawei pat kam dei ban palat ia ka 3km. Haba ia dei pat bad ka jingpynlong ia ki skul ka sorkar ka dang wad lad kumno ban wanrah ia ka jingiaryntih ha kaba pyniaid ia ki.(SP News)
