New Delhi Jymmang 09: U myntri khynnah u K.C. Venugopal ba dei peit ia ki kam lieng suin u la ong hapoh ka iing dorbar jong ka Ri India Lok Sabha ba ki kad lieng suin kiba trei kam hapoh jong ka dong shatei lam mih ngi jong ka Ri India baroh ki long khyndai tylli, ka Agartala, Lengpui (Aizawl), Bagdogra, Dibrugarh, Dimapur, Guwahati, Imphal, Jorhat and Silchar.
Nalor jong kitei ka Umroi airport bad kaba don ha Tezpur ruh ki treikam. Hynrei ia kaba ha Meghalaya Shillong ym shym don ki lieng suin kiba leit bankamai ha kane ka jaka. Na ka liangjong ka Airport Authority jong ka Ri India ka la dep ban shna ia ka jaka sangeh liengsuin ha Umroi ha ka jinglut kaba T29.70 klur.
Ban pynbha shuh shuh ia kane ka jaka ka sorkar pdeng ka la mang pisa haduh T.75.65 klur, kane ka long katkum ka jingpynlait khubor na ka tand pathai khubor jong ka sorkar pdeng PIB.(SP News)
