Shillong, Lber 01: Ka jingialang jong ka Congress Lehislature Party kan long mynta ka sngi ha ka por jan miet ban jied ia u nongialam jong ki ban thaw ia ka sorkar kaba thymmai ha kane ka jylla Meghalaya.
Ki lad khubor na ka seng Congress ki iathuh ba mynta ki don lai ngut ki nongialam jong ka seng kaba ki MLA jong ka seng Congress ki phai khmat, u ba nyngkongeh u dei u Salaseng C Marak, u Bah DD Lapang bad u Dr Mukul Sangma. Katkum ki lad khubor kiba la lah ban ioh ki iathuh ba ka jingiatan tyllai hapdeng kitei ki lai ngut ki long mar ialeh.
Na ka liang jong u Salseng, um da don than ka jingthrang hynrei bun na ki MLA ki kwah ba u dei ban shimti ia kane ka kam namar ki la dep iohi ia ka jingtrei kam ka jong ki ha ki por kiba la leit noh kum u myntri rangbah.
Na ka liang jong u Dr Mukul Sangma ruh ua la trei shitom ban pynjop ia ka seng Congress haduh 29 ngut ki MLA ia kaba ka Congress kam pat juh ioh naduh ba la sdang ia ka jylla Meghalaya. Ki nongialam jong ka AICC ki kwah ban wanrah biang ia u kum u myntri rangbah hynrei kata ka shong ha ki MLA ban shim ia ka rai.(SP News)
