Shillong, Rymphang 26: Mano ban jop bad mano ban rem ka long la shai ka sngi ki seng sain pyrthei bad ki riew shimet kiba la ia khun ia kane ka MDC election kin sa ioh ia ka jubab na ki paidbah ia ka jop bad ka rem.
Na ka liang jong ka Congress haduh mynta ka dang kam ba kan ioh ia ka jingjop ha ka jingbun paid bad kan ioh ban thaw ia ka Executoive Committee ha ki ar tylli ki District Council ha JHADC bad KHADC, katba na ka liang jong ka UDP ruh ka kam ba kin ioh ia ka jingsynshar ha kine ki ar tylli ki District Council.
Katkum ki tyllong khubor kiba la ioh la ong ba wat la ia ka jingniew vote kan dang long la shai ka sngi ka jingiakren hapdeng ki nongialam seng sain pyrthei kala iaid sha khmat ha kaba ia dei bad ka jingthaw ia ka Exectuitve Committee khamtam eh hapoh jong ka KHADC.
Kumba ka long mynta na ka liang jong ki seng riewlum ki da kwah ban ia treilang ban nym ailad ia ka seng Congress ba kan ioh ban thaw ia ka Executive committee, katba na ka liang jong ka seng Congress ka dang ap ia ka jubab kaba ki paidbah ki la dep ban rai ha kaba yn sa tip la shai ynda la niew vote. (SP News)
