Shillong, K’lyngkot 02: U Bah CB Iawphniaw ba shong basah ha Mawlai Syllaikariah uba long uwei na ki nongthoh ia ki jingthoh ba la ju pymih ha ki kot khubor ha ki sur u paidbah ne shithi sha u editor, ha kane ka kynti kaba mynta un mih iakhun MDC na ka shnong la jong ka Langrin Constituency, khnang ban wanrah ia ka jingkylla ha kane ka thain.
Kum uwei na ki riew rangbah u kwah ba ka Langrin Constituency kan kiew irat ha ki liang baroh bad u kyrpad ruh ia ki paidbah ba kin kyrshan ia u ha kane ka elekshon kaban long ha kine ki bnai ki ban wan.
Ha ka kyrwoh ba la phah da u Bah da u D.B.L Lyngkhoi ka pynpaw ka jingjop elekshon kam dei tangbau breiew u don pisa ne don spah, hynrei tang ka mynsiem iaishah bad len lade na ka bynta ban kyntiew ia ka bha ka miat ha ka constituency, ka ri bad kajaitbynriew.
U Bah CB Iawphniaw u long u khun rangbah jong u Bah Krellingshon Pariong bad ka Kong Santi Iawphniaw kiba la khlad noh, uba long uwei na ki nongtrei sorkar ba la shongthait, wat lada um ioh tiket na kano kano ka party un iakhun beit kum u riew shimet.(SP News)
