Shillong, Lber 04: Ka kynhun ba 18 Ngut ki samla na ka Jylla ha kaba khambun naki kidei ki kynthei bad katto katne ngut ki samla Shynrang kiba la synran ban leit Pyn shngain kum ki Nongput Nongtem Tynrai hapoh ka jingialam jong u Bah Bobby Wahlang kum u Escorting Officer kila mih mynta ka sngi i.e. 4th March 2013 na ka Nongbah Shillong ban leit iashimbynta ha ka programme ha Nongbah Delhi kum shibynta ban rakhe ia ka International Women’s Day kaban sdang naduh ka 8th – 10th March 2013, ia kane ka Programme kaba kyrpang la pynlong da ka Indira Gandhi National Centre for Arts (IGNCA),New Delhi.
Ia kane ka kynhun ba kyrpang jong ki samla ka Jylla la jied kyrpang na Jaintia Hills District ban pyni nam ia ka jing shad tynrai ba la Tip paidbah kum ka “SHAD PLIANG” kaba long ruh kawei na ki jingshad ba itynnad bad pawnam ha ka Jylla hi baroh kawei. Ia kane ka kynhun jong ka Jylla la khot sngewbha da ka Indira Gandhi National Centre for Arts (IGNCA),New Delhi ban pynphuh pyn phieng ia ka jing rakhe ia ka International Women’s Day ha kaba ka Sonia Gandhi (Chair Person IGNCA), Smti Pratibha Patel, President barim jong ka Ri India, Meera Kumar, Speaker Lok Shaba bad kiwei de ki kynrem ki lyndan kin iadon ryngkat ha kitei ki sngi i.e. 8th – 10th March 2013.
Ha kitei ki Lai sngi lynter i.e. 8th – 10th March 2013 kin don ruh ki Programme kiba pher bapher kynthup ia ka Exhibitions, Women Craftsmen Workshop cum Demonstration, Panel Discussion halor ka jing pynkup bor ia ki kynthei bad kumjuh ruh ki Cultural Programme.(SP News)
