Tura, Lber 03: Ka jingiashrud hapoh jong ka seng ANVC(B) kala paw pyrthei mynta ha dien ba kala mih sa kawei ka seng lehnoh kiba dei ki dkhot jong katei ka seng ia kaba ki la ai kyrteng ka “ Matchadu Matchabet”.
Ka seng lehnoh ANVC-B kala iasoi ia ka jingiakren ia suk bad ka sorkar Meghalaya ha ka 5 tarik kyllalyngkot 2013. U Mat Memang u bala kam ia lade ba u dei u Commander-in-chief jong kane ka seng lehnoh kaba thymmai u la pyntip sha ki lad pathai khubor ba kane ka seng la thaw ha kine ki sngi bad kiba bun ki dei ki dkhot jong ka seng ANVC(B).
U Memang, u la ong ba kila leit ban pyniasoh sha kane ka seng lehnoh da ka jingthmu ban ia leh na ka bynta ki jaid bynriew Garo Hynrei u nongialam jong ki u Rimpu Marak u la ia soi pynban ia ka jingiakren ia suk bad ka sorkar khlem da pynurlong ia ka jingangnud jong ki paidbah.
U Memang u la kynthoh tyngeh ia ki nongialam ka ANVC bad ka u la ong ba ka jingshah siat iap jong ki saw ngut ki dkhot ka ANVC(B) kam dei ha ka jingiakhun mar kynti bad u la ong ba balei ki paidbah ki sngap ia kane ka jingjia.
Ka ri lum Garo hills mynta ka iohi ba kila mih lai tylli ki seng kaikhlaw kiba thymmai ha kine ki khyndait taiew, kum ka A’chik Songna An’pachakgipa Kotok (ASAK) ba la ialam da u briew jong ka GNLA,Reding T Sangma, ka kynhun A’chik Tiger Force (ATF) bad ka Matchadu Matchabet.(SP News)
