SHILLONG,Rymphang,20: Ka United Democratic Party (UDP) na Nongkrem ka la nang khlaiñ katba dang mih ki sngi, kane ka long da ka jingmih noh ki dkhot ba lam khmat ka Nongkrem Mahila Congress bad ki da ki spah ngut ki nongkyrshan ka congress ban pyniasoh bad ka seng UDP.
Ha kane ka sngi u Bah Paul Lyngdoh u working president jong ka UDP bad ka Kong Pretty Kharpyngrope , Dr Jemino Mawthoh bad Bah Draison ki la pdiang burom ia kine ki dkhot ba la pynlong ha Iew Pyrsing Nongkrem,ki dkhot kiba la wan pyniasoh ialade sha kane ki dei ka president Jenita Kharkamni,Vice president Sedial Mawrie, bad khyndai ngut ki Excutive member.
Haba ia kren bad ki nongthoh ka president jong ka Nongkrem Mahila Congress ka kong Jenita Kharkamni ka la ong ba ka jingmih noh jong ka bad ki dkhot na ka seng Congress ka dei halor ka jingbym sngew tynnad ia ka rukom trei kam jong ka seng Congress bad ki kwah beit ban kyrshan ia u Bah Edarstar L. Nongbri uba dei u kyrtong jong ka UDP namar ba u dei u trai shnong bad u dei u briew uba shemphang ha kane ka kam. (SP News)
