Jowai: Risaw 07:Ka khwai dohkha hi mynta ngim lah banlen ba ha kane ka jylla Meghalaya ka la nong kiew bad ka long kaba shongshit haduh katta kata, ka jingnang roi ki pung dohkha na kawe kasngi shakawei ka sngi ka pynkyndeh mynsem iaki wei pat ki bam don jaka.halor kane wad ka sorkar ruh ka la nang pynshlur ia ki riwshimet ne ki seng ban shna pung dohkha da kaba ka ai jingiarap naka iarong tyngka ka jong ka lyngba ka tnad fishery.
Ban kdup bad ban peit ia kabha kamiad kine ki trai pung dohkha bad iaki nong khwai ruh kumjuh ki rangbah kiba pyrkhad jngai ki la thaw ia kane ka seng kaba ki ai kyrteng ka All Jaintia Pond Owner & Fishing Association kane ka seng kan trei kam ha baroh ar tylli ki District ka Jaintia Hills, East bad West.ka seng kala pynbna paibah mynta kasngi ia ki nong kitkam kane ka seng ha kaba u ma wellcom Shylla un long kum u President u ma Bros Phawa kum u Vice President ma Nightstar Pariat kum u General Secretary u ma Starly Bareh Assistant Secretary u ma L Ryngkhlem kum u Treasurer bad ka seng ka don ruh sa 10 ngut ki EC member ,katba baroh ki trai pung dohkha kiba don hapoh kane ka District ki long ki dkhot ka seng kumjuh ruh ki rawon.
Ki mat trei kam kane ka seng ka long ban peit ia ka bha ka miad ki trai pung doh kha kiba doh hapoh ka seng ban thelakam ia ki kamthok kamshukor haba pynlong iaka jingiakop khwai,Ban bishar haba mih ki kynum kynram hapdeng u nongkhwai bad ki nong pynlong khwai,ka seng ka da maham ruh ia kito kiba dih buait bad pynklumar haki jaka ba pynlong iakop khwai ba lada lap ynpynshitom kat kum ka aiñ,ha kane hi kajuh ka jingialang ka seng kada pynbna paitbah ba kino kino kiba ba kwah ban pynlong ia kop khwai hapoh ka aria ka seng ki dei ban pyntp shwa sha kaseng khnang ba ka seng kan ioh ban leh iakiba donkam.
kum kaba ia pynbeit sngi khnang ban nom iatyngkhuh haka juh ka sngi bad ia iwei kiwei,ki kynhu ne ki riwshimed kiba na shabar kine ki ar District kiba kwah ban pynlong iakopkhwai ki hap ban pyntip sha ka seng bad ban siew iaki jingsiew kiba don kam.ha kajuh ka por ka seng kada kyntu ia kito ki rawon bad iaki trai pung ki bympat rung shakane ka seng ba kin rung dkhot noh khnang baka seng kan ioh ban ai ka jingshakri kaba khambha ia phi.lada don kano kano ka jing sngew donkam.(SP News)
