Shillong, Nailur 20: ka Joint Action Committee All Teachers Association Meghalaya (JACATAM) ha ka jingialang ka kyrkieh ka jong ka mynta ka sngi ki la shim ia ka rai ba ki paidiang ia ka jingbtah jong u myntri rangbah ka jylla u Dr Mukul Sangma ban leit ia kynduh ua u Chief Secretary ka jylla.
Ka jingiakynduh hapdeng u Chief secretary ka jylla u bah WMS Pariat bad ki nongialam jong ka JACATAM kan long ha ka 30 tarik mynta u bnai ha Main Secretariat. Na ka liang jong ka seng ka shim ba kaei kaba kin ia kren ha katei ka sngi ka dei ka sur jong u myntri rangbah ka jylla.
U Chairman jong ka JACATAM u Bah ED Nongsiang u la iathuh ha u SP News Agency ba ka jingiakynduh la buh ban long ha ka 30 tarik mynta u bnai bad na ka liang jong ka seng ka la pynsagneh ia baroh ki jingiakhih kaba ki la dep ban pynbna mynshuwa bad kin sa ia peit ia ka jingmih na katei ka jingiakhih.
Na ka liang jong ka sorkar ha katei ka jingialang nalor jong u Chief Secretary ia u yn synran lang da u Principal Secretary jong ka tand pule puthi Director jong ka tand Pule bad kiwei kiwei ki heh sorkar.(SP News)
