Shillong, Rymphang 07: Ka thong ka long ban lum ia ki kyrteng ha ka National Population Register(NPR) kaba long kum ka draft kaba nyngkong lyngba ki Rangbah Shnong, bad hadien ka jingkhmih ha ryngkat ki Rangbah Shnong, Secretary Shnong, ki Nokma, ka Sorkar Jylla bad ka Sorkar pdeng kan sa pynmih ia ka National Citizens Register (NCR).
Ka Dorbar Ki Khlieh Nongsynshar ka Ri Hynniewtrep, ka ai khublei ia ka Sorkar Jylla kaba la sngap ia ki jingtyrwa ban ithuh ia ki Rangbah Shnong kum ki iktiar ki ban pynithuh ia ki nongshnong shnong.
Ka Dorbar ki khlieh nong synsahr jong ka jylla Meghalaya, ka kyntu jur ia ki Dorbar Shnong, Dorbar Raid bad Dorbar Hima ba kin lum lang ha la ki jong ki Hima ban ioh ka jingiasngewthuh jingmut halor kumno ban pyniaid ia kane ka kam kaba kongsan bha ban ryntih ha ki kam kiba iadei bad – nyngkong ha ka NPR bad hadien ka jing khmih kaba bniah yn sa shah tang ia kito ki kyrteng kiba la ia sakhi lang ki Rangbah Shnong ban rung hapoh ka National Citizens Register(NCR).(SP News)
