Shillong, Nailur 25: Kia r tylli ki seng kynthei ka CSWO bad ka KWWADA mynta ka sngi ki la leit tur sha Additional Secretariat ban pynlong ia ka jingiakhih shnong kyllain mungor ha katei ka jaka hynrei na ka liang jong ki pulit kim shym la ailad hynrei ka kit ia ki bak sha Madan student.
Ha kane ka jingiakhih shnong kyllain mungor ha Madan student ki la don bun ki nongkren bad kawei na ki long kmie kaba la 85 snem ka sta ka long ba ka don ka jingiohi ba lada ym lah ban iai da na ka jingwantuid jong ki briew ba nabar ka long ka jingma ia ki jaid bynriew rit paid. Kiwei kiba la kren ki long u bah Adilbert Nongrum bad u Bah Morningstar Sumer.
Haba kren ha ki nongthoh khubor na ka liang jong ka kong Agens Kharshiing presidentjong ka CSWO ka la ong ba ki seng bhalang kin nym shong thait hynrei kin ia khih haduh ban da ioh ia la jingdawa ba ka sorkar ka dei ban pyntrei kam noh ia ka ILP ha kane ka jylla.
Ka jingiakhih shong kyllain mungor ka la iaid beit hynrei ha dien ba la wai kane ka jingiakhih kaba jia jai ka la don ka jingshah kawang maw jong ki pulit ha ki paidbah ha kaba 5 ngut ki pulit kynthei ki la mynsaw bad 1 u pulit shynrang u la mawsaw ha kane ka jingjia.
Wat hapdeng kine ki jingjia la btah ia ki pulit ba kim dei ban pyndon kam ia ki sahbuk jong ki namar ka dei ka jingiakhih jong ki kynthei, hynrei namar kane ka jingjia na ka liang jong ki pulit ha ki sngi ban wan ki hap ban kylla noh ia ka rukom trei kam ka jontg ki..
Ki pulit kiba mynsaw ki long ka GK Langrai, 2nd in-Command, 6th MLP Bn, WP/Sub-Inspector Meiissa.M Momin (31 years), H/C I Rabha (51 years), H/C P Lyngdoh (43 years), WP/BNC 828 B Thiate (24 years), bad ka WP/BNC 821 AD Sangma (23 years).
La ong ba haduh mynta ki la don 55 tylli ki ejahar pyrshah ia ki nongialam seng bhalang naduh ba la sdang kane ka jingiakhih ILP la ong u SP jong ka East Khasi Hills.(SP News)
