Shillong, Jymmang 08: Mynta ka sngi ha ka por kumba 12 baje shiteng sngi ka lyer iong kaba jur kala khih bad pynjulor ia ki ar tylli ki shnong kiba don ha Ri Bhoi District, ka shnong Sohpdok bad Nonglum.
Ha kane ka jingshah lynshop ha ka mariang san ngut ki briew kila mynsaw bad bun tylli ki iing ki sem kila julor.
Ha ka shnong Sohpdok ka ‘eriong kala pynjulor haduh 22 tylli ki iing bad lain gut ki briew kila mynsaw. Kiba mynsaw ki long ka kong Magret Kurbah, bad ar ngut ki khun ka Plilynti Kurbah bad ka Idaphisabet Kurbah, ia kine baroh lain gut la rah sha Umsning CHC ban ioh ia ka jingsumar.
Katba ha ka shnong Nonglum haduh ba thoh ia kane ka khubor ym pat lah ban ioh jingtip katno tylli ki iing kiba la shah pynjulor bad la ong ba kila don ar ngut kiba mynsaw ha kane ka jingshah lynshop ha ka mariang.(SP News)
