Shillong,jylliew 26: U Chairman jong ka seng lehnoh Garo National Liberation Army, (GNLA) U Champiom Marak u lamynsaw jur na ka bynta ka jong ka khlieh ha ka jingiashoh ia dat kaba la jia mynta ka sngi hapoh Shillong District Jail.
Katkum ki thymmei khubor ki la ia thuh ba ki bor ba dei peit ia ka phatok ki tip ia kane ka jingjia haduh ba kin da iohi ba u Champion u la mynsaw jur na ka bynta ka jong ka khlieh. La rah ia u sha Civil Hospital ban phah sumar bad la rah na katei ka jaka sha kaba ym don ba tip.
Katkum ki lad jingtip kiba la lah ban ioh la ong ba kane ka jingiashoh iadat hapoh phatok ka la jia ha ka por mynstep . Ha kane ka jingiashoh ia dat la ong ba ki la don ruh lai ngut kiwei de kiba la mynsaw lang ha kane ka jingia shoh. Na ka liang jong ki bor ba dei peit ia ka phatok mynta ki dang phah tohkit ia kane ka jingjia.(SP News)
