Jowai, Risaw 08: U nongap jong ka Govermment boys Higher Secondary School Jowai mynta
ka sngi ha ka por mynstep kumba 6.30 am ei ei katba u dang khi thiah u la lap ia ki kuli kiba la thoh ia ka kyrteng jong u Dr Mukul Sangma myntri rangbah ka jylla ha kaba la maham ia u myntri rangbah ka jylla.
Ia kine ki kuli kiba la thoh dak la lap na phyllaw jong katei ka iing skul jong ka sorkar bad ka jingthoh ha kine ki kuli ki la thoh bad byrngem ia u myntri rangbah ka jylla ,U wei u kuli 7.62 mm SLR u ba thoh pyrshah ia u Dr Mukul.
Katba 8 tylli ki kuli 4.50 KYNOCH ki ba thoh, Hyniewtrep ka ri um snam u ñie u kong lem bad shibun kiwei ki jingthoh kiba la thoh ha ki kuli kiba la shimnoh da ki pulit jong ka Jaintia Hills.
Nalor ki jingthoh kiba la thoh ha ki kuli la lap ruh ia kawei ka jingthoh kaba ong “ No ILP no Rest”. Ha kitei ki kuli la thoh HNLC(JK) bad kiwei kiwei de. Na ka liang jong ki pulit mynta ki dang thohkit ia kane ka jinglap ia kine ki kuli.
Na ka liang jong u Superintend jong ki pulit ka West Jiantia Hills haba kren ha u SP News Agency, u la iahtuh ba ki kuli kiba la lap mynta ka sngi ki dei kiba la slem bha bad na ka rukom thoh ka paw ba dei tang ki riew shim kabu. Na ka liang jong ki pulit ki dang tohkit ia kane ka jinglap ia kine ki kuli ,mynta ka sngi.(SP News)
