Shillong, Nohprah 17: Katkum ka jingkhein kaba la pynmih da ka tnad shangkai pyrthei jong ka sorkar pdeng ha kaba ia dei bad ka jingbei pisa na ka bynta ban kyntiew ia ki kam shangkai pyrthei ha baroh ki jylla bad ki Union Territory jong ka Ri India ka la paw shai kdar ba ka jylla Meghalaya ka dei ka jylla kaba ioh pisa duna eh na ka sorkar pdeng.
Na ka bynta jong u snem 2012 ka la dei shai kdar ba ka jylla Meghalaya ka la ioh na ka sorkar pdeng tang 0.50 klur kaba mut tang sanphew lak tyngka. Kane ka jingioh pisa na ka bynta ban kyntiew ia ki kam shang kai pyrthei hakane kajylla ka la hiar sha bapalat mynta u snem ha kaba ia nujor bad ki snem kiba la leit noh.
Kiwei pat ki thymmei khubor ki iathuh ba ka daw jong ka jingduna ha ka jingioh pisa na ka bynta jong une u snem 2012 ka dei ba ka sorkar Meghalaya kam shym la lah ban ai ia ki Utilization certificate, kumba kalong mynta bun na ki skhim kiba la bei pisa ha kine ki snem kiba la dep ruh ka sorkar kam palt lah ban pyndep.(SP News)
