Shillong, Jymmang 02: Ka seng Society for Promotion of Indigenous Kn
owledge and Practice (SPIKAP) mynta ka sngi ka la pynlong ia ka jingialang paidbah ha ka shnong Umden ha Ri Bhoi District ban ia kren halor ka kam ai dawai kynbat.
Ha ka jingkren jong u Bah John F Kharshiing, u ba dei u Chairman jong kane ka seng, u la ong ba ki briew naduh ri Europe bad na ki bynta bapher bapher jong ka Ri India ki wan sha Shillong ban wan wad ia ki lad jingsumar na ki birew kiba ai ia ki dawai kynbat.
Na ka liang jong u Bah John u la kyntu ia ki briew jong ka thain Ri Bhoi ba kin sdang noh da kaba thoh ha ki kot ia ka rukom khleh dawai kynbat namar kane ka lng kaba don kam. U la ong ba wat na ka liang jong ka KHADC ruh ka la pass da ka ain ban pynneh pynsah ia kane ka rukom ai dawai.
Haka juh ka por la ong ba mynta kin ia leh kumno ban ioh ia ka jingithuh na ka sorkar ia kine ki briew kiba lah ban ai dawai kynbat ba kan long ha ka rukom kaba ryntih. Ha ka juh ka por ka long kaei kaei kaba sngewsih ba na ka daw ba la syllen ki lum la shitom ban ioh ia ki kynbat.
Ha kane ka sngi u Bah DD Lapang nongai buit jong ka sorkar ruh u la ia don lang. Kiwei kiba la kren ha kane ka jingialang ki long u Syiem ba mynshuwa jong ka Hima Mylliem u Pa,im Laborius Syiem.(SP News)
