Mawkyrwat, Jymmang 03: U Superintendent ki pulit jong ka South West Khasi Hills District u la iathuh ba na ka kali kaba shong u Bah Lamphrang Kharbani ia kaba ki pulit kila ioh bat na Rangthong la lap ba ki don ki shithi dawa pisa jong ka seng lehnoh HNLC.
U Superintendent jong ki pulit jong ka South West Khasi Hills la ong ba kine ki shithi dawa pisa ym pat lah ban ong la ki dei kiba dang thymmai ne kiba la rim namar bay m shym thoh ei ei hano yn ai, na ka liang jong ki pulit ki shim ba ki dei kiba dang thymmai.
Ryngat bad u Bah Kharbani, la bat lang ruh ia u Bah Maitar Marwein exporter na u la ioh ia ka pisa kaba don T. 2.5 lak tyngka, kiwei pat kiba la shah kem lang ki long u Synshar Thongni u dkhot ka seng HNLC u ba la pyndem wait, Briang Tonhwah u dkhot ka seng HNLC ba mynshuwa. Ia ki la kem na ka shnong Rangthong katba ki dang thmu ban leit sha Borsora.
Ia kane ka kynhun la wan ban kem da ki pulit na Shillong ki special operation team (SOT) ha kaba la synran lang da ki pulit jong ka South West Khasi Hills District na Mawkyrwat.(SP News).
