Shillong K’Lyngkot 14: Namar ka jingteh jingkhum ka kyndon Code of Conduct na ka bynta ka elekshon MLA ka ban sa long shen ha ka 23 tarik u Rymphang, 2013 ha Meghalaya, ka jingthmu jong ka tnat pulit ka jylla ban wad jaka bad siew da ka dor na k abynta ban seng ia ka 6th Battalion ha Ri Bhoi District ia kaba ka sorkar kala mynjur ban shim haduh 200 Acre ka khyndew ha Umran kaba don hajan jong ka Umran Diary ba kan long ka pdeng jong ka Meghalaya Police 6th Battalion kal asah teng noh namar katei ka kyndon ba la pynbna da ka Election Commission jong ka ri India kaba la treikam pusa naduh ba la pynbna paidbah ia ka.
Halor kane jingsahteng na ka liang u Akash Deep, Deputy Commissioner ka Ri Bhoi District, ula iathuh ba ha ka jingshisha la dei ban shim noh ia ka jaka tangba na ka jingpynbna noh ia ka election la hap ban pynsangeh.Ha kajuh ka por ula ong ba un sa iakren bad ki bor jong ka sorkar la ka don ne em ka lad ban shimti noh ia ka jaka watla ka election kan sa sdang noh.
Katba na ka liang jong ki heh ka tnat Home Department kila iathuh ba la dep lut ki kam ki jam bad kam idon jingeh ban shimti ia ka jaka watla ka election ka don.
Na ka liang jong u Chief Electoral Officer (CEO) ka Meghalaya u Prashant Naik ula ong ba lada donkam ban pyllait bad ha ka jingshisha ia ka kam shimti ia ka jaka la dep bad kam dei ka kam kaba dang thymmai.
Katba ki tyllong khubor pat ki iathuh ba ia kane ka kam la dep mang ia ka tyngka naduh shuwa ban kut ka dorbar mang tyngka 2011-12 bad baroh ki kam ki sah satang ha ki bor jong ka District.
