Shillong, Nohprah 01: U Speaker jong ka iing dorbar thawain ka jylla u AT Mondal ha ka jingk
ren ka jong u ha kane ka sngi rakhe ia ka jingpang HIV bad AIDS u la ong ba ka jingeh kaba khraw tam ka long ba ki briew kim pdiang ia kiba don ia kane ka jingpang ha ka imlang sah lang.
U Speaker u la ong ba kane ka jingsngew ha ka imlang sah lang ka long kaba jur bha ha kaba ki briew ki niew poh ia kiba don ia kane ka jijgpang, u la ong ba ka por ka dang biang ban pynshai sha ki paidbah ba ym dei ban don ia kane ka jingsngew dei ban pdiang ia ki kumba ki long namar bun sien kiba ioh ia kane ka jingpang kam dei na ka daw jong ki.
Na ka liang jong u Speaker u la kyntu ia ka MACS ba ka dei ban leit sha ki nongkyndong ban kren ia kane ka jingmang jong kane ka jingpang ban pynshai bad ka Meghalaya Legislator Forum ka long kaba la kloi ban iarap ia kane ka kam, namar kumba ka long mynta baroh ki MLA kin ai shilak tyngka na ka bynta kane ka kam kaba bha na ka skhim jong ki.
Kane ka jingpynshai ka long kaba don kam namar ha nongkyndong ha kaba ia kren ia kane ka jingpang ka dei ka pop la ong u speaker. U la ong ba kala don kam ban pynshai paidbah bad dei ban don ka ain ka ban ia rap ia ki. La ong ba kane ka jingiew bein kam dei tang ia kiba ioh ia kane ka jingpang hynrei wat ia kito kiba kren ia kane ka phang ruh dei na kane ka daw ba ki briew kim kwah ban iathuh ia ka jingpang kaba ki don
Naduh ba la lap nyngkong ia kane ka jingpang ha u snem 1981 haduh u snem 2007 ki briew kiba la iap na kane ka jingpang ka la kot sha ka 25.5 million ngut ha ka pyrthei baroh kawei. Ha kane ka dong shatei lam mih ngi jogn ka Ri India pat kiba bun kiba ioh ia kane ka jingpang ka dei na ka daw jong ka jingpyndon kam ia ki drugs.
La ong ba da ka jingdon ia ki lad ai jingsumar kiba katkum kane ka juk kaba mynta ki briew kin ioh ia ki jingsumar kiba kham biang bad kan sa don ka por ba ynsa lah ban weng ia kane ka jingeh na ka imlang sah lang.
Wei naki nongkren ba don ia kane ka jingpang ha kane ka sngi la ong ba ka jingeh kaba ki briew kiba ioh ia kane ka jingpang ka long ka jingshah kyntait ha ka inglang sah lang ha baroh ki liang.
Na ka liang jong ka Project Director ka Dr Dr F Kharkongor ka la ong ba ka pisa ka dei ka jingeh hynrei ka jingeh kaba ka MACS ka ia kynduh ka long ba kim don ia ki briew kiba la tbit ban trei ia kane ka kam . La ong ba ka jylla mynta ka don tang hynriew tylli ki blook bank.(SP News)
