Shillong, Lber 30: Ki nongialam ba ha khliehduh jong ka seng lehnoh ANVC(B) kila pynmih ia ka hukum ba baroh ki dkhot jong ka seng ki dei ban leit phai noh sha ka jaka sah jong ki ha Eden Bari ban peit ba kan nym don kano kano ka jingthud ha kane ka Election MP kaban long shem.
Ha ka jingpynlait khubor jong ki nongialam jong ka seng kila kynnoh ba kane ka sorkar kaba mynta kam shym lah ban ai ia ka jaka sah kaba thikna na ka bynta ki dkhot jong ka bad kane kala wanrah ia ka jingsuba sniew wat la bun sien kila dep ban phah da ka jingthoh sha ka sorkar.
Kane ka jingpynslem na ka liang jong ka sorkar ka buh shibun ki jingkylli ia kane ka sorkar jylla. Na ka liang jong ka ANVC(B) ka la kynnoh ba ka sorkar ka la jubab kloi bha ia ka seng lehnoh GNLA, hynrei kala kyntait pat ia ki ban ai ia ka jaka sah kaba la ithuh da ka sorkar.
Kane ka jingleh jong ka sorkar ka la pynlynga ia ki seng lehnoh kiba la mih kum ki tied ha Garo Hills. Ka jingpyndik da ki briew kiba kam ia lade ba ki dei ki briew jong ka sorkar kala pyndik bad na ka liang jong ka seng ka kyntu ia ki bor jong ka District Adminstration ba kin peit ia kane bad ka sorkar ka dei ban ithuh noh ia ka Eden Bari kum ka jaka sah jong ki.(SP News)
