Tura, Naitung 16: Na ka daw jong ka jingbym don ia ka jingshong suk shongsain ha garo Hill bad ha Assam ia ka karkhana shna dewbilat kaba don ha Damas ha Noth Garo Hills la hap ban khangkyrdep noh.
Kane ka karkhana shna dewbilat kaba don ha Damas ha Garo Hills ka jngai tang kumba 25 km na ka nongbah jng ka North Garo Hills Resubelpara ka don ha khappud ka jylla Meghalaya bad ka jylla Assam.
U trai jong kane ka karkhana u Ravi Jain u la iathuh ba naduh ba sdang ia kane ka karkhana khat arsnem mynshuwa ki la mih bun ki jingeh bad ka jingeh kaba ha khmat eh ka long ba ka jingkhot pakhang surok kaba man ka Por hapoh jong ka Goalpara District ha Assam ka la ktah ia kane ka karkhana.
Kumba ka long ki paidbah jong ka thain Damas baroh kawei ki la dap da ka jingkmen ban ioh ia kane ka karkhana ha kane ka jaka hynrei mynta ka la kylla long ka jingsngewsih ia ki namar baroh kiba ioh bylla bad kiba im jaka kpoh na kane ka karkhana kan nym duna ia ka 700 ngut.
Na ka daw jong ki jingiakhih kiba man ka taiew kane ka karkhana kaba don ha khappud Meghalaya-Assam ka la shah ktah haduh ba la hap ban khang khyrdep ia ka.(SP News)
