Shillong, Jylliew 02: Namar ki kam lehnoh ka Garo Hills ka la shah ktah ha kaba ia dei bad ki kam pynroi wat haduh ki shnong ki thaw, ki jingtrei ki la suki naka daw jong ka jingdon ki lehnoh kiba la pynthud ia ki kam ki jam bad kane kala ktah palat ia ka East Garo Hills.
U Deputy Commissioner jong ka East Garo Hills District Mr Vijay Kumnar Mantri u la kubur ba na ka daw jong ka jingdon ki lehnoh ka la ktah ia ki kam pyntoi kiba ka sorkar ka la pyntrei ha katei ka District.
Na ka liangjong u Deputy Commissioner ula ong ba wat ia ki jingtrei kiba rit kiba dei na ka skhim MGNREGA kila shah ktah ka daw ka long ba ki lehnoh imat ki ioh ia ka jingkyrshan jong ki paidbah, kane ka lah ban long ba ki shah pynbor lane kalah ban long da ka mon jong ki ruh, hynrei ka jingshisha ka long ba ki lehnoh ki ia don ha ki shnong ki thaw.
Na ka liang jong ka sorkar kala ia leh tyngeh ban tem ia ki kam lehnoh ha katei ka thain, hynrei kaba kongsan ka long ban ia khun pyrshah ia ki ka sorkar ka don kam ia ka jingkyrshan jong ki paidbah bad ha ka juh ka por ai ba ki kam pynroi ha katei ka thain kin iaid sha khmat.
Ha kaba ia dei bad ka jingjia hapoh jong ka Williamnagar Civil Hospital na ka liang jong u Deputy Commissioner u la ong bad naki lain gut kiba la shah kem ar ngut ki dang dei ki khynnah bad u wei u dei u ba la rangbah.(SP News)
