Shillong, Jymmang 27: Ka Meena S Marak ka kmie jong u Balsan S Marak, uba la khlad noh ha ka kti jong ka ain kala wan sha Shillong mynta ka sngi bad kala ong ba kala dep ban ai mukotduma pyrshah ia u SP ka Tura u M K Singh bad kan nym kynran dien ha kane ka jingialeh.
Haba kren ha ki nongthoh khubor ka Meena kala ong ba kan nym shong kli kti ban wad ia ka hok jong ka jingshisha kan ialeh haduh ba kan da ioh ia ka rai kaba hok na ka bynta u khun jong ka.
U Balsan u la shah kynnoh ba u don kti ha kaba shoh bad at ia ki kynthei kiba la suba ba ki dei ki thei dei met. Ka kmie jong u Balsan kala ong ba lada ki kem ki lah ban kem hynrei ban ong ba haduh ba ynda iap um dei ban ngat ha kane ka apot.
Ka Meena kala iathuh ia kaei kaba jia baroh da ka jingpaid dohnud kala ong ba u khun jong ka u la shah shoh shah dat haduh ban da jem jia bad ka skhor jong u shiliang ym ioh sngewshuh bad ka tyrpeng jong u kala kdiah.
Ka jingkylli kaba ym pat lah ban tip hakto kane ka jingiap ka jong u ka dei na ka jingshah bom shah tied ha ki bor jong ka ain. Haba ia dei bad kane ka jingjia na ka liang jong ka sorkar kala ong ba kan nym map iano iano ruh lada lap ia kiba don kti.(SP News)
