Shillong, Kyllalyngkot 07: U bah Stanliwiss Rymbai MLA ka seng Congress na ka Umroi constituency u ba la shah pynduh ia ka tiket na katei ka jaka ,mynta ka sngi u la pynbna ba un ia khun beit ia kane ka election MLA ka ban wan kum u kyrtong shimet.
Haba kren ha u SP News Agency lyngba ka phone u la ong ba “ Nga duh tiket namar ba ngam don pisa”. Ha ka juh ka por u la ong ba kane ka jingduh tiket ka dei ka jingkyrkhu kaba na sha lyndet. Ban long MLA kam dei ka ticket jong ka party, dei ki paidbah kiba ai tiket lada ki paidbah kim jied yn nym lah ban long MLA.
Une u MLA u ka pynkynmaw ia ka jingkren jong u president jong ka MPCC ha kawei na ki jingialang jong ka seng Congress ha West Khasi Hills ha kaba ia dei bad ka jingshah tyrwa pisa da ki phew klur ban ioh tiket, mynta ki paidbah ki sngewthuh bha u l ong.(SP News)
