SHILLONG, Nailur 19: U Symbud Myntri Rangbah (Deputy Chief Minister) ka jylla u Bah Rowell Lyngdoh ha kaba iadei bad ka jingdawa ban pyntreikam noh ia ka Inner Line Permit (ILP) ha Meghalaya ba la iakhih iaksaid tyngeh da ki senghalang bapher bapher kiba la pynlong ia ki jingiakhih pakhang surok, pakhang shnong bad pakhang ophis u la pynpaw ba um pat sngew thikna ba ki paidbah ka jylla kin kyrshan ia ka jingdawa pyntreikam ia ka ILP ban long kum ka atiar ban iada na ka jingwan tuid ki bar Jylla. U la ong, ka ILP ka dei tang ka jingdawa jong ki katto katne da ki sengbhalang.
U bah Rowell Lyngdoh ula ther tyngeh ia ki sengbhalang kiba la pynlong ia ki jingiakhih kaba ktah ia ki paidbah. U la ong, ki jingiakhih ki tan shadien ia ka jingkiew shaphang jong ka jylla ha ka liang ka roi par bad kiwei kiwei ki jingmyntoi ki paidbah nongshong shnong ha ka jylla baroh kawei. (SP News)
