Guwahati Naitung 31: U myntri rangbah ka jylla Assam U Tarun Gogoi haba kren ha kaba ia dei bad kas jingioh ia ka jylla Telengana u la ong ba ki dei hok ban ioh namar ka jingdawa ka jong ki kala iaid mynta la 60 snem lynter.
Hynrei haba wan pat sha ka jylla Assam u Gogoi u la ong ba um kwah ba kane kan long ha ka jylla Assam hynrei u ong ba ka sorkar pdeng ka dei ban ai ka jingkyrshan kaba biang ban lah ban weng ia ki jingeh kaba ki paidbah ki ia kynduh.
Kane ka jingdawa jylla Telengana ban phiah na ka jylla Andra Pradesh ka dei kaba la slem bha bad ka long kaba shong nongrim, wat ha ka jylla Assam ruh ka jingdawa jylla ka long kaba la slem hynrei ka don ka jingiapher hapdeng katei ka jylla bad ka jylla Assam.
Ki nongialam jong ka seng Congress kum ka Sonia Gandhi , MonMohan Singh, bad u myntri kam poh iing jong ka sorkar kila shim ia kane ka rai ban leh ia kaba don kam ban ai jylla ia ki paidbah tei ka thain. Kane ka jingdawa jylla ha Assam ruh ka la wan na ka Bodoland, Karbi-anglong, North-Cachar , ki Koch Rajbonshi .
Naka liang jong ka sorkar ka ia leh katba lah ban pynbeit I ka jingeh ka jong ki, u myntri rangbah ka jylla Assam u ong ba u kwah ban ia shong ia sah lang kumba ka long mynta.Hynrei ka sorkar pdeng ka dei ban pynbiang ia ka jingai jingiarap pisa ban weng ia ki jingeh, ia kane u la kren ha Rajiv Bhavan.(SP News)
