Nongpoh, Jymmang 08: U Deputy Commissioner jong ka Ri Bhoi District u la ong ba haduh mynta ym pat ioh ia ka kaiphot kaba biang ha kaba ia dei bad ka jingjulor jong ki iing ki sem ha kaba ia dei bad ka jinglynshop jong ka mariang ha ka thain Jirang.
Haba kren ha u SP News Agency u la ong ba u BDO jong ka Jirang C&RD Block u dang jurip ia kane ka jingjia bad yn sa lah ban ioh ia ka jingtip kaba shai tang la shai ka sngi. U la ong ba ha ki jaka ba don kam ia ka jingiarap la phah ia ki jingiarap.
Haba la kylli halor ka jingduh jong ki iing ki sem u DC u la ong ba um kwah ban ong khlemd a pat ioh ia ka kaiphot kaba biang.
Na ka liang jong u Bah Lamboklang Mylliem MLA jong katei ka jaka u la ong ba ka jingduh jong ki iing ki sem kan nym palat ia ka shispah tylli bad u la phah ia ki briew jong u ba kin leit ban peit ia ka jingjulor bad kumba ka long haduh mynta kim pat lah ban iathuh. Na ki shnong kiba la shah ktah palat ka dei ka Umrit u la ong.(SP News)
