Shillong, Jymmang 23: U MLA jong ka Mylliem Constituency u Bah RV Lyngdoh u la ong bay n pyrshah lada mih kano kano ka jingtei ha lane sawdong jong u Lum Shyllong.
Haba kren ha u SP News Agency une u MLA u la ong ba une u lum u dei , ka tyllong um na ka bynta ka sor Shillong baroh kawei, lada long ha kano kano ka dur ruh ia kane ka jaka dei ban pynneh kumba ka long mynta.
Kane ka jingkren jong u MLA katei ka jaka ka long halor ka jingiaknieh ia katei ka jaka mano ba long trai. Haba jubab ia ki jingkylli u Bah Lyngdoh u la ong ba haduh mynta kam pat don kano kano ka seng bhalang ne mano mano ban ai ha u da ka jingthoh.
Hynrei ka jingsngew jong u shimet, kum u MLA um da khuslai ka dei ka jong no jong ruh kampher hynrei kiba dei trai ia katei ka jaka kim bit ban tei kino kino ki jingtei ha sawdong jong u Lum Shyllong. Ia katei ka jaka dei ban pynneh pynsah kumba ka long, u la ong.(SP News)
