Shillong, Nohprah 10: U shongknor jong ka iing dorbar thawain ka jylla u Bah Charles Pyngrope mynta ka sngi u la pynpaw ia ka jingsngewkyndit ka jong u ban tip ba ia ka bill kaba la pdiang da ka iing dorbar ha u snem 2005 ban ithuh ia ka ktien khasi bad Gro kum ka ktien khasi bad Garo kum ka ktien synrop ha ki ophis sorkar ym shym pat phah sha ka sorkar pdeng haduh kine ki sngi.
Na ka liang jon
g u shongknor u la ong ba kane kam dei ka kam jong ka Legislative namar kim lah ban tuklar ia ka kam jong ka Executive, hynrei jaid ba la wanrah ia kane ka jingtip ha khmat jong u un sa kyrpad ia u myntri rangbah ka jylla ban leh ia kaba don kam ha kane ka bynta.
Haba kren pat ha ka jingiadei bad ka hok long briew man briew naka liang jong u shongknoe u la ong ba wat la ia kane ka ain la shim ia ka rai mynta la bun snem hynrei ka dang don ka jingshah ban bein jong ki ba bun ki briew ia la hok long briew ka jong ki ha kiba bun ki liang. Ha ka juh ka por u la ai ka jingiaroh namar ba kane ka seng ka la trai shitom bad u ai ka jingkyrkhu ba kin dang iaid sha khmat.
Ha ka jingkren jong u Bah Dino DG Dympep general secretary jong jong ka MPHRC u la ong ba ka long kaei kaei kaba sngewlyngoh ban tip ba ka sorkar jylla haduh mynta kam pat phah ia ka jingthoh sha ka sorkar pdeng ban pyntip ba ia ka tien khasi bad Garo la ithuh kum ka ktien synrop ha ki ophis sorkar.
Ha ka juh ka por u la ong ba kumba ka long mynta ym lah ban tip shisha mano ban leh ia ka kam ban pyniaid ryntih ia ka ktien khasi la ka dei ka NEHU ne ka sorkar, hynrei na ka jingtip ka jong u kaba khyndait u la ong ba ka dei ka kam jong ka sorkar jylla ban leh ban thung ia ka Committee kaba dei ban peit ia kane ka kam.
U la ong ba ki don kiwei ki tien jong ki jaid bynriew rit paid jong kane ka Ri India kiba la ioh ban rung ha ka eight schedule jong ka riti synshar jong ka Ri India ha kaba ka ktien jong ki ka dang duna palat ban ia nujor bad ka ktien khasi hynrei kiwei ki la ioh banrung namar ka sorkar ka shim khia ia ka kam.
Kiwei kiba la kren ha kane ka jingilang ki long u Dr SS Majaw bad bun kiwei, ha kane ka sngi la pynlait paidbah ruh ia ka kot kaba la pynkylla na ka ktien phareng sha ka ktien khasi ha kaba ia dei bad ka Un declaration. Ha kane ka sngi la plié ruh ia ka website ha kaba la buh ia ka ktien khasi hapoh ka website jong ka United Nation ia kane la leh da shongknor jong ka iing dorbar thawain ka jylla.(SP News)
