Shillong, Naiwieng 25: ka long ka jingjop kaba khraw ia ki pulit jong ka jylla Meghalaya ha kaba ia dei bad ka jingiakhun pyrshah ia ki lehnoh ha ri lum Garo khatam eh ia ka seng GNLA, ha kaba ki pulit ki la ioh ban kem ia u Genenral Secretary u Dalbin N Marak, nongialam ba ha khlieh jong katei ka seng.
Katkum ka jingiathuh jong u Superintendent jong ki pulit ka East Garo Hills District la ong ba ia u la kem ha lynti shuwa ba un poi sha Williamnagar katba u dang wan na Tura ban ia kynduh ia u Pinku CH Marak.
Halor kane ka jingphla jong u Dalbin, ki pulit ki la ioh ban kem ia u Pinku Ch Marak na Medical Colony na Williamnagar ha kaba la ioh ban bat ia ki seal jong u General Secretary, ki kot ki sla ba dei jong u Vice Chairman jong ka seng GNLA.
U Pinku u dei na Sunny Hills jong ka kyntoit na Tura bad ki pulit ki la wad ia u la slem hynrei ha kane ka kynti kaba mynta ki la ioh ban kem ia u na Williamnagar. Kane ka jingioj kem ia kine ki nongialam jong ka seng kan iarap ia ki pulit ban tip bniah shuh shuh ia ka jingtrei kam jong katei ka seng lehnoh.(SP News)
