Amlarem Iaiong 16: U Sub Divisional officer ka Amlarem jong ka West Jaintia Hills District u la iathuh ba na ka liang jong ka ophis ka dang pynkhreh mynta ia ka kaiphot ban phah sha ka sorkar bad u la ong bal eh se kin sa phah la shai ka sngi sha ka sorkar.
Ka daw jong ka jingslem kam dei ba ki pynslem ma ki khynrei namar ba ki jingtip ki wan dang shi wan sha ka ophis bad namar ba ki don tang u wei u briew ban leh ia kane ka kam ki la hap ban shim ia ka jingiarap jong ki Gram Sevak ban leit jurip ia ki jingjulor.
Kane ka jingjulor kaba la lynshop da ka mariang kam dei tang ha kawei ne ar tylli ki shnong hynrei ki la don bun tylli ki shnong kiba la shah ktah ha kane ka jingpynjulor jong ka mariang.
Na ka liang jong ka ophis ha dien ba ki la phah ia ka kaiphot sha ka sorkar, ka shong ha ka sorkar ban pynlait ia ka pisa bad ha dien ba ki la ioh ia ka pisa kin sam noh sha kito ki long iing kiba la shah ktah ha kane ka jingjia ba sngewsih.(SP News)
