Shillong, Nailar 13: ka Khasi Student Union (KSU) jong ka North Khasi Hills ka la pynpaw ba kim don khlem don kano kano kata ka jingpyrshah ia ki bym dei ki trai jylla hynrei kaei kaba ki kwah ka long ban ioh ia u Deputy Commissioner jong ka Ri Bhoi District da u ba tip ia ka jaka.
U President jong ka KSU North Khasi Hills u bah F Kharkamni haba kren ha u SP News Agency u la ong ba “ Ngi khlem pyrshah ia ki bym dei trai jylla, hynrei ngi kwah ia u Deputy Commissioner u ba tip ia ka jinglong jong ka jaka, namar kane ka district ia ka khap bad ka jylla Assam” u la ong.
Kumba ka long ka Ri Bhoi kadei ka khyrdop sha ka nongbah jong ka jylla bad lah ban ong ka dei ka khyrdop jong ka jylla dei na kane ka daw ba don kam ia u DC ba tip ia ka jaka namar bun sien ki mih ki jingiakajia bad ka jylla Assam bad lada don ia u DC bym tip ei ei ka Assam ka ioh lad ban pynkhih win na ka por sha ka por.
Na ka liang jong ka seng ka la dep ai ia ka jingthoh sha u myntri rangbah ka jylla u Dr Mukul Sangma ban peit ia kane ka kam bad kumba ka long mynta ka sorkar ka la thung ia ka Ponam Pandey ba kan long ka DC ba thymmai hynrei kam pat wan ban shimti ia kane ka kam.(SP News)
